Buǵan deıin Energetıka mınıstri bolǵan Qanat Bozymbaevtyń prezıdent keńesshisi qyzmetine taǵaıyndalǵanyn habarlaǵan bolatynbyz.

Noǵaev Nurlan Asqaruly 1967 jyly 30 shildede týǵan. Bilimi joǵary, I.Gýbkın atyndaǵy Máskeý memlekettik munaı jáne gaz akademıasy, Qazaq memlekettik basqarý akademıasy, Reseı Syrtqy ister mınıstrligi janyndaǵy "Halyqaralyq qatynastar ýnıversıteti" Máskeý memlekettik ınstıtýtyn, taý-ken ınjeneri, ekonomıs, halyqaralyq qatynastar mamany, ákimshilik iskerlik jónindegi sheber mamandyqtary boıynsha bitirip shyqqan.

Onyń ómirbaıanynda orys, túrik, aǵylshyn tilderin erkin meńgergeni jazylǵan.

Eńbek jolyn Aqtóbe oblysy, Qandyaǵash stansıasynda elektr sheberi bolyp bastaǵan. Ár jyldary Máskeý qalasyndaǵy "Gılı-Pasker" JSHS-ynda munaı ónimderi jónindegi aǵa sarapshy, bólim bastyǵy, bas dırektor, Almaty qalasyndaǵy "Otrar Ltd" shaǵyn kásiporny bas dırektorynyń orynbasary, "Qazaqtúrikmunaı" JSHS-ynda marketıń jónindegi ınjener, munaı jáne munaı ónimderin satý, marketıń bóliminiń bastyǵy, bas dırektor, "QazMunaıGaz Ulttyq kompanıasy" AQ-nyń atqarýshy dırektory, QR Energetıka jáne mıneraldy resýrstar mınıstrligi munaı ónerkásibi departamentiniń dırektory, Batys Qazaqstan oblysy ákiminiń orynbasary, BQO ákiminiń birinshi orynbasary, Batys Qazaqstan oblysynyń, Atyraý oblysynyń ákimi qyzmetterin atqardy.