Bul suraqqa "Bolashaq" baǵdarlamasynyń stıpendıanty Joldas Órisbaı óziniń feısbýktaǵy paraqshasynda jaýap berdi.

"AQSH-tyń saıası sahnasynda kópten beri talqylanyp jatqan ımpıchment prosesiniń orta jolǵy nátıjesi belgili boldy. Búgin ókilder palatasynda sońǵy talqylaý barysy ótip, ımpıchment máselesine qatysty daýys berildi. Demokrattar bir qoldan qoldasa, Respýblıkalyqtar tolyq qarsy boldy. Al ókilder palatasynda demokrattar sany kóbirek bolǵandyqtan, ımpıchment qabyldanyp otyr" degen ol áıtse de, Donald Tramp prezıdenttik posttan ketpeıtinin aıtty.

"Onyń postta qalý ne ketýin endigári Senat sheshýi tıis. Eger Senat músheleriniń úshten eki bóligi ımpıchmentti qoldap daýys berse, onda Trapm ketedi. Eger odan az bolsa, ol óz qyzmetin jalǵastyrady. Munda aıta ketken jón, Senat músheleriniń arasynda respýblıkalyqtar sany basym. Sondyqtan úshten eki bóligi ımpıchmentti qoldaýy qıyndaý" dep atap ótti Jalǵas Órisbaı.

Osylaısha, Tramp AQSH tarıhyndaǵy ımpıchment jarıalanǵan úshinshi prezıdent atanyp otyr.