Almaty qalasynyń  ákimi Ahmetjan  Esimov sel kezinde sý qoımasynyń alabyndaǵy úılerdiń   kóbi jer zańnamasynyń talaptary boıynsha salynbaǵan baspanalar ekenin málimdedi. Bul týraly «Qamshy» portaly  TengrinewsTV-ge silteme jasaı otyryp habarlaıdy.

Esimovtiń sózine sensek, seldiń saldarynan zardap shekken úılerdiń basym bóligi - jer zańnamasynyń talaptaryn buzý arqyly boı kótergen baspanalar. Búgingi tańda selge baılanysty qalada tótenshe jaǵdaıdyń jarıalanǵany belgili, endi soǵan baılanysty zardap shekkenderge belgili bir soma tólenedi.

"Qorda 679 mıllıon teńge bar, alaıda Máslıhattyń sesıasynda ony 2 mıllıard teńgege ulǵaıtý týraly sheshim qabyldandy.Biraq ol somanyń barlyǵy apattyń saldarynan kelgen shyǵyndy óteýge jumsalady degendi bildirmeıdi", - dedi Esimov.Ákimniń aıtýynsha, úı men kólik múlik retinde saqtandyrylýy tıis, sondyqtan aıtylǵan soma zardap shekkenderge "úlestiriledi" dep oılaý jańsaqtyq eken. Sonda aıtýly soma qaıda úlestiriledi? Jer telimderi satylyp, oǵan arnaıy qujat berilerde ákimdik aımaqtyń qaýipti ekenin nege eskertpegen? Sonda atalmysh oqıǵaǵa aqqan sel de, aǵytylyp túsken sý qoımasy da, ony baqylaýǵa almaǵan jaýapty adamdar da kináli emes qoı. Kánili jer telimderin taýly aýmaqtan alǵan, úıi tasty selden aǵyp ketken halyq bolǵany ma?