«Beeline Qazaqstan» óz abonentteriniń teńgerimin toltyrýdaǵy barlyq múmkindikterdi damytýǵa múddeli. Joǵary básekelestik ortasynda jumys isteı otyryp, kompanıa shektes naryqtaǵy básekelestiktiń damýyn qalaıdy, sebebi bul tutynýshylarǵa arnalǵan usynystyń jaqsarýyna, naryqty saýyqtyrýǵa, óz klıentteri úshin kúresýge daıyn jandardy yntalandyrýǵa ákeledi. 

Termınal bıznesi 2006 jyly jańa bastaý alǵan kezde «Beeline Qazaqstan» termınal jelisin belsene qoldaǵan jáne osy baǵytta agenttik ústeme aqyny tóleý arqyly qarjylandyrý kórsetken jalǵyz telekomýnıkasıalyq operator bolatyn. Sodan bergi ótken jyldar ishinde bul bıznes qarqyndy damyp, óz aıaǵyna nyq turyp ketti.

Búgingi tańda, barlyq jerde ornatylǵan termınaldardyń kómegimen ártúrli salada kórsetiletin qyzmetterdiń aqysyn tóleýge bolady. Árbir iske asyrylǵan operasıa úshin tólem termınaldary abonentterden tólem somasynan  12% deıingi deńgeıde ótem aqy ustap qalady. Aıta keter bir jaıt, qazirgi kezde Qazaqstanda 18 myń termınal jumys isteıdi, bir alańqaıda birneshe termınaldyń ornalasýy da jıi kezdesip turatyn jaǵdaı.

2008 jylǵy qańtar aıynan bastap osy kúnge deıin «Beeline Qazaqstan»  ústeme aqyny aqyryn-aqyryn jylyna 1-2 esege azaıtyp otyrdy. 2013 jylǵy mamyr aıynda kompanıa kezekti ret áriptesterine ústeme aqynyń tómendegenin habarlap, ózara yntymaqtastyqqa tıimdi usynystardyń jańa qyrlaryn usyndy. Biraq, bul bastama keıbir tólem termınaldarynyń ıeleriniń-kásipkerlerdiń tarapynan eleýli túrde qarsylyqqa ushyrady. Olar uıaly baılanys operatorynyń bedelin túsirý naýqandy bastap, óndiristi ózgertýge kiristi jáne Beeline abonentterin basqa uıaly baılanys operatorlaryna aýysýǵa úndeıtin japsyrmalardy taratýǵa árekettendi. Bul japsyrmalarda  zańǵa qaıshy keletin aqparattar bar, sebebi olar kompanıa men olardyń áriptesteriniń – tólem júıeleriniń arasyndaǵy kelisim sharttyń birneshe baptaryna, sondaı-aq QR-dyń básekelestikti qorǵaý zańnamasyna  qarsy keledi. «Beeline Qazaqstan»   70 shaqty osyndaı oqıǵaǵa kýá boldy, solardyń ishinde tek 11 ǵana qaıtalanyp kezdesken. Osy termınaldardyń ıelerimen jumys isteıtin tólem júıeleri, termınal ıelerinen «Beeline Qazaqstan»  kompanıasynyń esebine eń kemi 90 kúnge tólemderdi qabyldaýdy toqtatý týraly bizdiń kompanıadan habarlama aldy.

Soǵan qaramastan, termınaldardyń 80% abonentterden tólemderdi qabyldaıtyn bolady jáne Qazaqstandaǵy  Beeline abonentterinde óz teńgerimderin qolma-qol tólemderdi qabyldaıtyn 35 000 núkteniń kez-kelgen birinen toltyrý múmkindigi bar, oǵan qosa abonentter 24 000 astam satý núkteleriniń birinen tólem kartalaryn ala alady nemese  bankomattardy paıdalanyp teńgerimderin toltyra alady. Bizdiń klıentterimiz óz betinshe qyzmet aqysyn ústeme aqymen jáne ústeme aqysyz tóleýdiń birin tańdaı alady.  Kóp jaǵdaıda «Beeline Qazaqstan» veb-saıty arqyly jáne «Azbýka Svázı» salondary arqyly ústeme aqysyz tóleý múmkindigi paıdalanylýda. Kompanıa óz abonentterine qyzmet aqysyn tóleýde - banktik jáne basqa da qarjylyq tólem júıeleri, «Avtotólem» qyzmetteri, «Mobıldi jáne Elektrondy Komersıa» múmkindikteri, «Mobıldi usynystar» t.s.s. jańa múmkindikterdi asha otyryp tólem arnalarynyń damýyn qarjylandyrýdy jalǵastyra bermek jáne deni  saý básekelestik ortanyń damýyna yqpal etedi.

Aınur Sattarova