Búgin Aqtóbe qalalyq avtobeketin qarýlanǵan belgisiz bireýler basyp alǵan. Qazir avtobeketti arnaıy qyzmet mamandary men UQQ qyzmetkerleri tolyqtaı qorshaýǵa alǵan. Bul týraly «Qamshy» portaly Timeskz.kz-ke silteme jasaı otyryp habarlaıdy.
«Sapar» avtobeketin tazalaý operasıasy búgin kúndizgi saǵat 10:00 shamasynda aıaqtalǵan. Avtobeket janynda ornalasqan «Shyǵys» jáne «Mereı »saýda úıleri qazir jumystaryn jalǵastyrýda. Avtobeketti quqyq qorǵaý qyzmetkerleri tolyqtaı qorshaýǵa alǵan. Beket aýmaǵynda kólik júristeri toqtatylyp, órt sóndirý jáne jedel járdem qyzmetkerleri kezekshilik etýde.
Ázirge, «Sapar» avtobeketinde jarylys nemese atys dybystary estilmegen. Al Aqtóbe oblystyq İİD-niń baspasóz qyzmeti «arnaıy oqý-jattyǵýlary júrgizilýde» degen málimdeme jasaǵan.
