Bul týraly Almaty áýejaıynda ótken baspasóz máslıhatynda kompanıa basshysy Nurlan Jumasultanov aıtty dep habarlaıdy «Qamshy.kz» aqparat agenttigi.

Nurlan Jumasultanov áýeli oqıǵadan keıin kompanıa eseńgirep qalǵandyqtan, únsiz bolǵandaryn jetkizdi.  Budan soń ol ushaq apatynan burynǵy jaǵdaılardy aıta kelip:

«Baǵyttan kishkene aýytqýdyń saldary qorshaý men ǵımaratqa soqtyǵysýǵa ákeldi. Bul qurylys qaýipti obektiniń janynda qalaı bolýy múmkin degen suraq týyndaıdy. Ǵımarat qorshaýǵa jaqyn ornalasqan. Prezıdent qurylystyń zańdylyǵyn anyqtaý úshin tapsyrma berdi. Buryndary qatań shekteý bolatyn. Eger osy kedergiler bolmaǵan jaǵdaıda, múmkin adam shyǵynynan qashyp qutylýǵa bolar edi degendi oılap otyrmyz. Sondaı-aq ushaqtyń senimdi ekeni kórinip tur. Janarmaı tógilip qalǵan joq",  – dedi ol.

Osylaısha, kompanıa basshysy áýe apatynan keıin qazaqstandyqtar senimsizdik tanytqan ushaqtyń senimdi ekenin «kórip» qoıǵan. Ári apatqa aıtylǵan ǵımarattyń da «kináli» bolǵanyn eske saldy.

Aıta keteıik, kezdesýdi QR Indýstrıa jáne ınfraqurylymdy damytý mınıstrligi uıymdastyrdy.