Ortaq áńgime barysynda memleket basshylary eki el arasyndaǵy jan-jaqty yntymaqtastyq pen strategıalyq seriktestiktiń qarqyndy damyp kele jatqanyn erekshe atap ótken. Sondaı-aq,qalyptasqan senimdi baılanystar Qazaqstan men Reseıdiń ortaq iste odan ári jaqyndaı túsýine yqpal etetini sóz boldy.

«Jaqyndaı túsý» demekshi, Qasym-Jomart Toqaev Vladımır Pýtındi kelesi jyly elimizge resmı saparmen kelýge shaqyrdy.

Budan soń memleket basshylary ekijaqty jáne kópjaqty formattaǵy birlesken jumystardy jalǵastyra berýge ýaǵdalasty. Sonymen qatar, prezıdentter birin-biri jańa jylmen quttyqtaǵan.  

Eske sala keteıik, Memleket basshysy buǵan deıin Belarýs Respýblıkasynyń prezıdenti Aleksandr Lýkashenko jáne Ózbekstan Respýblıkasynyń prezıdenti Shavkat Mırzıóevpen telefon arqyly sóılesken bolatyn. Osy barysta ol Aleksandr Lýkashenkomen Belarýstiń 2020 jyly Eýrazıalyq ekonomıkalyq odaq uıymyna tóraǵalyq etýine baılanysty eýrazıalyq ıntegrasıa aıasyndaǵy ózara is-qımyldardy odan ári damytý jóninde pikir almassa, Shavkat Mırzıóevpen áńgime barysynda Ózbekstandaǵy Qazaqstan jylynyń tabysty ótkenine erekshe mán bergen.