Belgili qoǵam qaıratkeri Serikbolsyn Ábdildın qaıtys boldy dep jazady Qamshy.kz aqparat agenttigi. Bul týraly aqparatty Facebook áleýmettik jelisindegi paraqshasynda táýelsiz jýrnalıs Ermurat Bapı habarlady.

"Qazaqstan demokratıalyq qozǵalysynyń paıǵambary Serikbolsyn aǵa (Ábdildın) ómirden ótti degen sýyq habar keldi. Bılikke ıilmeı ótken qaısar, qaıtpas adam edi. Qazaqstannyń táýelsizdigin Nazarbaevtan buryn jarıa etip, "Qazaqstannyń táýelsizdik deklarasıasyna" qol qoıǵan tarıhı tulǵa edi... Qosh bol, asyl aǵa!" dep jazdy Bapı.

Serikbolsyn Ábdildın - qoǵam qaıratkeri, ekonomıka ǵylymdarynyń doktory, profesor.

Ol 1937 jyly Shyǵys Qazaqstan oblysy, qazirgi Tarbaǵataı aýdany Qyzyljuldyz aýylynda týǵan.  1982-1985 jyldary Qazaq KSR Aýyl sharýashylyǵy mınıstriniń birinshi orynbasary, 1985 jyly AÓK-ni basqarý jónindegi Respýblıkalyq Joǵary mekteptiń rektory, 1986-1987 jyldary Qazaqstan Aýyl sharýashylyǵy mınıstri, 1990-1995 jyly Qazaq KSR Joǵary Keńesiniń Tóraǵasy bolyp qyzmet etken. 1995 jyldan - Qazaq memlekettik agrarlyq ýnıversıtetiniń (qazirgi - Qazaq ulttyq agrarlyq ýnıversıteti) agrobıznes kafedrasynyń meńgerýshisi, profesory qyzmetterin atqarady.

Serikbolsyn Ábdildauly 11-ge jýyq ǵylym eńbek pen 6 monografıanyń avtory.

Qamshy.kz portalynyń ujymy Serikbolsyn Ábdildınniń otbasy men týystaryna qaıǵyra kóńil aıtady.