Halyqaralyq "Qazaq Tili" qoǵamynyń prezıdenti, akademık Ómirzaq Aıtbaıuly qaıtys boldy.

Ómirzaq Aıtbaıuly 1936 jyly 5 sáýir kúni Ońtústik Qazaqstan oblysynyń Túrkistan aýdanynda dúnıege kelgen.

1959-1962 jyldary - «Sosıalısik Qazaqstan» gazetiniń ádebı qyzmetkeri. 1962-1999 jyldary - Qazaqstan Ǵylym akademıasy Til bilimi ınstıtýtynyń kishi, aǵa ǵylymı qyzmetker, bólim meńgerýshisi, aǵa, bas ǵylymı qyzmetker. 1995-1996 jyldary - Qazaq memlekettik qyzdar pedagogıkaq ınstıtýtynyń profesory. 1997-1998 jyldary - Q.A.Iassaýı Halyqaralyq qazaq-túrik ýnıversıtetiniń profesory. 1999 jyldan - «Qaınar» ýnıversıtetiniń qazaq tili jáne ádebıet fakúltetiniń, fılologıa fakúltetiniń dekany, Qazaqstan Respýblıkasynyń Bilim jáne ǵylym mınıstrligi Til bilimi ınstıtýtynyń Termınologıalyq ortalyqtyń dırektory qyzmetterin atqarǵan.

1989 jyldan - «Qazaq tili» halyqaralyq qoǵamnyń vıse-prezıdenti, 1996 jyldan - birinshi prezıdenti, 2004 jyldan - prezıdenti bolǵan.

«Qurmet», «Parasat» ordenderimen marapattalǵan.