Bul týraly ekonomıkalyq sholýshy Denıs Krıvosheev zakon.kz tilshisine bergen suhbatynda málim etti dep habarlaıdy «Qamshy.kz» aqparat agenttigi.

– Eger qaqtyǵys ýshyǵyp, munaıdyń bir barreli 100-120 dollarǵa deıin jetse, onda biz dollardyń baǵamy 250-270 teńge deńgeıinde bolady dep boljaýymyzǵa bolady, – deıdi ekonomıkalyq sholýshy.

Denıs Krıvosheevtiń aıtýynsha,  Taıaý Shyǵystaǵy shıelenistiń ýshyqpaýyna  kepil joq ázirge. Eger, aımaqtaǵy qaqtyǵys jalǵasty órshı tússe, budan osy máseleden aýlaq turǵan munaı óndirýshi elder utpaq. 

Dálirek aıtqanda, Reseı, Qazaqstan, Ázirbaıjan sekildi memleketter. Bulaı bolǵanda atalǵan elder aýmaǵynda dollar tapshylyǵy birtindep joıylady degen sóz. Osylaısha, dedollarızasıa saıasatynda "dem" jetpeı otyrǵan Qazaqstan ulttyq valútany "tiriltedi" degen boljam aıtylýda.

Eń qyzyǵy, ekonomıkalyq «tamyrshy» suhbatta odan Qazaqstannyń jaı-kúıiniń jaqsy bolyp ketpeıtinin de atap ótýdi umytpaǵan. 

– Iaǵnı, qazirgi ekonomıkalyq jaǵdaıymyzda teńgeniń nyǵaıýy ekonomıkanyń túbegeıli jaqsarýyna ákelmeıdi. Sebebi bul jaǵdaıda biz taǵy da syrttan úlken mólsherde dollarmen tabys taýyp, soǵan maldanǵan memleket qaıtadan kásipkerlikti damytýǵa jaǵdaı jasaýda bosańsı bastaıdy. Keınsıanızmge, ıaǵnı memleket ózi basshy ári jumys berýshi bolatyn ekonomıkaǵa qaıta oralamyz. Al jeke kapıtaldy damytý men qoldaý kilt toqtaıdy, – deıdi Denıs Krıvosheev.