Búgin onkologtar men mammologtardyń İİ respýblıkalyq  semınar-keńesine elimizdiń túkpir-túkpirinen 330 delegat jınaldy dep habarlaıdy «Qamshy» portaly  Qazaq onkologıa jáne radıologıa ǴZI baspasóz ortalyǵyna  silteme jasaı otyryp. Jıynǵa 14 oblys pen Almaty, Astana qalalarynyń densaýlyq saqtaý basqarmalarynyń ókilderi, onkologıalyq dıspanser dárigerleri qatysty. Forýmda mamandar onkoqyzmetti jetildirý joldaryn qarastyrǵan bolatyn. Al bul jolǵy aýdandyq onkologtar men mammologtardyń II respýblıkalyq semınarynda otandyq densaýlyq salasynyń mańyzdy máseleleri talqylandy.

Semınarda onkologıalyq qyzmet pen ambýlatorlyq-emhanalyq uıymdar qyzmetin biriktirý, onkologıalyq, mammologıalyq, erler jáne áıelderdi qaraý bólimderiniń jumysyn jandandyrý, 65 jáne odan joǵary jastaǵylar arasynda qaterli isikti erte satysynda anyqtaý úshin skrınıngtik jáne obyrdyń aldyn alý baǵdarlamalaryn júzege asyrý, onkologıalyq qyzmet salasyna monıtorıń jáne baǵalaý júıesin engizý, qaterli dertke shaldyqqan naýqastarǵa medısınalyq-áleýmettik qyzmet kórsetý syndy negizgi 5 másele kún tártibine qoıyldy.