13 qańtar kúni Fılıppındegi Manıla qalasynyń ońtústiginen 70 shaqyrym qashyqtyqta ornalasqan Taal janartaýy atqylady, dep jazady Qamshy.kz aqparat agenttigi bbc-ge silteme jasap.

Fılıppınnniń výlkanologıa jáne seısmologıa ınsıtýtynyń (Fıvolk) málimdeýinshe, Taal janartaýyndaǵy jer asty tolqýlary kúrkiregen bult pen naızaǵaı aralasqan magmalyq atqylaýǵa ulasqan.

Aımaqtan 8000 turǵyn jappaı evakýasıalandy.

Araldyń dál ortasynda ornalasqan Taal janartaýy álemdegi eń kishkentaı belsendi janartaý degen ataqqa ıe. Ol sońǵy 450 jylda 34 márte atqylaǵan.

Qazir Fıvolk ınstıtýty dabyldy 3-ten 4 balǵa kóterdi.

Bılik ókilderi aldaǵy kúnderde janartaýdyń zor qarqynmen atqylaý yqtımaldyǵyn jáne atqylaýdan túsken qaldyqtardyń tolqynmen aralasyp "janartaý sýnamıiniń" paıda bolý múmkindigin eskertti.