Pavlodar oblysynyń ákimi Bolat Baqaýovqa qatysty qylmystyq is qozǵalyp, tergeý jumystary jalǵasyp jatyr. Bul týraly búgin, 16 qańtarda Qazaqstannyń ulttyq qaýipsizdik komıtetiniń baspasóz qyzmeti habarlady.  

UQK habarlaýynsha, Baqaýovqa  laýazymdyq "ókiletin asyra paıdalaný" baby boıynsha is qozǵalǵan. 

"UQK 15 qańtarda Qylmystyq kodekstiń 362-bap 2-bóliminiń 2-tarmaǵy boıynsha tirkelgen qylmystyq is - "qyzmettik ókiletin asyra paıdalaný" faktisi boıynsha Pavlodar oblysynyń ákimi Bolat Baqaýovqa qatysty jedel-tergeý sharalaryn júrgizdi. Qazirgi ýaqytta tergeý amaldary jalǵasyp jatyr. Osy kezeńde tolyq derekterdi tergeý múddesine baılanysty jarıalaýǵa bolmaıdy" delingen UQK taratqan habarlamada.

Keshe keshke áleýmettik jelilerde Pavlodar oblysy ákimi Bolat Baqaýovtyń ustalǵany týraly aqparat tarady.  Artynsha, Baqaýov emes, onyń orynbasary Arystan Qabıkenovtyń ustalǵany habarlandy. Búgin Pavlodar oblysynyń ákiminiń baspasóz hatshysy jýrnalıserge Bolat Baqaýovtyń jumysqa shyqqanyn aıtqan bolatyn.