Qazaqstan prezıdenti Qasym-Jomart Toqaevtyń jarlyǵymen Áset Isekeshev prezıdent kómekshisi jáne Qaýipsizdik keńesiniń hatshysy bolyp taǵaıyndaldy. Toqaevtyń jarlyǵy búgin, 16 qańtarda Aqordanyń resmı saıtynda jarıalandy. 

Endi 48 jastaǵy Isekeshev Qazaqstandy 30 jylǵa jýyq úzdiksiz bılep, 2019 jyldyń naýryzynda prezıdenttik ókiletin merziminen buryn doǵarǵan Nursultan Nazarbaev máńgilik tóraǵasy bolyp sanalatyn Qaýipsizdik keńesiniń hatshysy jáne prezıdent kómekshisi qyzmetin birge atqarady. Ol buǵan deıin "Tuńǵysh prezıdent - Elbasy qory" dep atalatyn qordyń atqarýshy dırektory bolǵan. Isekeshev onyń aldynda jarty jyldaı prezıdent ákimshiliginiń jetekshisi qyzmetin atqardy. 2016-2018 jyldary Astana (qazirgi Nur-Sultan) qalasynyń ákimi boldy.