QR tuńǵysh prezıdenti Nazarbaevtyń jıen nemeresi Aısultan Rahat óziniń túrmede bolǵanyn aıtty dep jazady Qamshy.kz aqparat agenttigi. 

"Keshirim suraımyn, men 2019 jyldyń 8 maýsymynan bastap fecebook paraqshasyn qoldana almadym. Paraqshamdy anam men Alnur Musaev qoldanǵan. Men túrmede boldym. Sondaı-aq jaqyndarym men meniń aramda biraz máseleler týyndady. Meniń atam bárińizge bolǵan jaıtty aıtyp bere alady dep oılaımyn. Ata biz jeńdik", - dep jazdy Aısultan Rahat. 

Eske salsaq, 2019 jyldyń maýsym aıynda London qalasyndaǵy páterlerdiń birinde Aısultan Rahat ustaldy. Brıtanıanyń "mail online" saıtynyń deregi boıynsha, Aısultan Rahat  Londonnyń Covent Garden páterinde  buzaqylyq jasaǵan. Ol polısıa ókilimen teketires barysynda qol jumsap, onyń qolyn tistep alǵan. Kýágerlerdiń aıtýynsha, polıseıdiń qolynyń tistelgen jeri qan bolyp, jedel járdem shaqyrtqan.