Qazaqstannyń eks-prezıdenti Nursultan Nazarbaevtyń jıen nemeresi Aısultan Rahat ózin óltirip ketýi múmkin ekenin aıtty. Bul týraly ol óziniń Facebook-taǵy paraqshasynda jazdy.
"Eger men olardyń maǵan jasaǵan barlyq is-áreketterinen keıin aman qalǵan bolsam, bul Alla men onyń uly Isanyń jáne kıeli kúshtiń men qorǵaǵany. Olar sizdi de qorǵaıdy. Jaqyn arada meni óltirip ketedi nemese ákemniń kúıin keshemin. Meni óz-ózine qol jumsap, asylyp qalǵan jyndy dep kórsetip, sony dáleldeýge tyrysady. Meniń kúshim Allamen jáne onyń uly Isamen, kıeli kúshpen birge", - dep jazdy Aısultan Rahat.
Aısultan Rahat - Qazaqstannyń burynǵy prezıdenti Nursultan Nazarbaevtyń úlken qyzy, qazir Qazaqstan parlamenti senatynyń tóraıymy bolyp otyrǵan Darıǵa Nazarbaeva men 2015 jyly Avstrıa túrmesinde jumbaq jaǵdaıda (abaqtynyń bir kisilik kamerasynda asylǵan kúıi tabylǵan) ólgen Rahat Álıevtiń ekinshi uly.
2019 jyly qazannyń 18-i kúni London soty Aısultan Rahatqa bir jyl shartty jaza kesti. Ulybrıntanıadaǵy BAQ-tardyń habarlaýynsha, Aısultan Nazarbaev bıylǵy maýsym aıynda brıtan polısıasyna qarsylyq kórsetkeni úshin jaýapqa tartylǵan. Nazarbaevtar otbasy Aısultannyń Ulybrıtanıada ustalǵany jáne sottalǵany jaıly eshqandaı komentarı bergen joq.
Pikir qaldyrý