Qazaqstan bas prokýrorynyń orynbasary Marat Ahmetjanov Pavlodar oblysynyń burynǵy ákimi Bolat Baqaýovqa qatysty qylmystyq iske túsinik berdi.

- Prokýrordyń ókilettigi Konstıtýsıamen jáne basqa da zańmen rettelgen. Sotta prokýror óziniń qorytyndysyn jarıalady, sol qorytyndyǵa sáıkes teregý soty ol kúdiktini (B.Baqaýovty) eki aı merzimge qamaýǵa aldy. Tergeý sharalary baqylaýda tur, - dedi  Ahmetjanov.

Pavlodar oblysynyń burynǵy ákimi Bolat Baqaýov 17 qańtarda “jemqorlyq kúdigimen” eki aıǵa qamaýǵa alyndy. Oǵan Qazaqstannyń Qylmystyq Kodeksiniń 362 baby 4-bóligi 3-tarmaǵy boıynsha qylmys jasady degen aıyp taǵylyp otyr. Bul bap ózine jáne ózge azamattar men uıym úshin paıda tabý maqsatynda qyzmettik ókiletin asyra paıdalaný degendi bildiredi. Baqaýovovqa bultartpas sharasyn qoldaný týraly ótken sotta onyń qyzmetin asyra paıdalanyp, týysqanynyń kompanıasynyń zań buzǵanyn jasyrý úshin salyq organdaryna qysym jasaǵany aıtyldy. Baqaýov bul aıypty joqqa shyǵarǵan. 

Bolat Baqaýov Pavlodar oblysynyń ákimi bolyp 2016 jyly naýryzda taǵaıyndalǵan. Onyń ústinen qylmystyq is qozǵalǵan soń Qazaqstan prezıdenti Qasym-Jomart Toqaev Baqaýovty qyzmetinen bostyp, 21 qańtarda Pavlodar oblysyna Ábilqaıyr Ysqaqovty ákim etip taǵaıyndaǵan bolatyn.