Bul týraly ol qazaqstandyq belsendi Erjan Turǵymbaımen telefon arqyly sóılesý barysynda aıtty. Belsendi telefonmen bolǵan áńgimeni vıdeoǵa túsirip turǵan.

Baılanystyń nasharlyǵynan áńgime qaıta-qaıta úzile berdi. Erjan Turǵymbaıdyń sózderi anyq estilgenimen, Aısultan Rahattyń sózderi emis-emis qana estilip turdy.

Aısultan Rahat aldymen atasy - Nursultan Nazarbaevpen sóılesip alyp, sodan keıin jer jahandaǵy názik taqyryptar boıynsha áńgime qozǵaǵysy keletinin aıtty.

Onyń aıtýynsha, bir qaraǵanda kez kelgen adamǵa absýrd bolyp kórinetin magıanyń saıasattaǵy múmkindigi óte joǵary.

"Anam las isterdi jasaıtyn mystannyń ózi. Ol ǵana emes barlyq saıasatkerler sonymen aınalysady. Olar magıanyń kómegimen meni ózgertkisi keldi. Biraq qoldarynan kelmedi. Anam ákemdi jer jastandyryp, ony atama japty. Osy arqyly atamdy Eýropanyń aldynda dıktator qylyp kórsetýge tyrysty. Anam uzaq ýaqyt boıy atammen baılanys jasaýǵa kedergi keltirip, naǵyz ákemniń atam - Nursultan Nazarbaev ekenin jasyryp keldi" dedi (13 mın).

Qoǵam belsendisiniń "buny qaıdan bildiń" degen suraǵyna ol "bir adam aıtty" dep jaýap berdi. Alaıda ol adamnyń esimin atamady. Osy tusta baılanys úzildi.