Belgili memleket qaıratkeri Murat Ábenov facebook paraqshasyna jarıalaǵan beınejazba áleýmettik jelide qyzý talqyǵa túsip jatyr.

Vıdeodan bir top sheteldiktiń áldebir shara uıymdastyrǵaly jatqanyn kórýge bolady. Vıdeonyń qaı qalada túsirilgeni belgisiz. Qoldarynda Qytaı eliniń ulttyq aıdahar bıine arnalǵan zattar bar jastardy kóshede jergilikti turǵyndar toqtatyp, qoldaryndaǵy zattardy dereý jınaýyn talap etip tur. 

Beınejazbany túsirip turǵan adamnyń "byt-shytyn shyǵaraıyq, qytaılardyń" degen daýsy estiledi. Sheteldikterdiń janyna jınalǵan turǵyndar qazaq jastaryn tóbelespeýge shaqyrýda.

Sol mańda júrgen kelinshek "qazaq jerinde qytaı sımvolıkasyn nege ustap júrsińder" dep sheteldikterge zattaryn jınaýdy talap etti.

– Meniń kóshemmen zattaryńdy alyp júrmeńder. Ýnıversıtetińe aparsań, apar, biraq meniń jerimde, qazaqtyń jerinde muny alyp júrmeýiń kerek. Bul ne sumdyq, – deıdi kelinshek.