Mundaı sheshim Premer-mınıstr Asqar Mamın halyqty koronavırýstan qorǵaý máseleleri jóninde ókizgen keńeste aıtyldy. Bul týraly " Qamshy.kz aqparat agenttigi habarlaıdy. 

Jıynda áýeli memleket basshysynyń koronavırýstyń taralýyna jol bermeý týraly arnaıy tapsyrmasy eske salyndy: 

«QR Prezıdenti Qasym-Jomart Toqaev Qytaıdan Qazaqstan aýmaǵyna koronavırýstyń taralýyna jol bermeý boıynsha sheshýshi uıymdastyrý sharalaryn qabyldaýdy tapsyrdy», — dedi A. Mamın.

Keńes qorytyndysy boıynsha Úkimet basshysy kelesideı keshendi aldyn alý sharalaryn qabyldaýdy tapsyrdy:

Memlekettik shekaradan ótkizý beketterinde, onyń ishinde áýe, avtokólik jáne temir jol kóligi nysandarynda sanıtarlyq-epıdemıologıalyq jáne kóshi-qon baqylaýyn kúsheıtý;

QHR-dan kelgen barlyq adamdarǵa turǵylyqty mekenjaıy boıynsha medısınalyq baqylaý ornatý;

Epıdemıologıalyq ahýal nasharlaǵan jaǵdaıda halyqqa qajetti kómek kórsetetin medısınalyq uıymdardyń daıyndyǵyn qamtamasyz etý;

Qytaıǵa qyzmettik is-saparlardy shekteý, sondaı-aq jeke ister men týrısik maqsattarda barmaýǵa keńes berý;

QHR-dan keletin tranzıttik jolaýshylarǵa QR aýmaǵyna 72 saǵattyq vızasyz kelý rejımin ýaqytsha toqtatý;

«Qorǵas» SHYHO qazaqstandyq bóliginiń jumysyn ýaqytsha toqtatý;

QHR aýmaǵyndaǵy qazaqstandyq azamattarmen olarǵa konsýldyq jáne ózge de kómek kórsetý maqsatynda jumysty jandandyrý;

Memlekettik organdar koronavırýstyq ınfeksıanyń taralýyn boldyrmaý jónindegi is-qımyldy úılestirý maqsatynda QHR jáne basqa da múddeli elderdiń tıisti memlekettik qurylymdarymen qajetti ózara is-qımyldy uıymdastyrýy tıis;

Qajet bolǵan jaǵdaıda QHR Ýhan qalasynda júrgen Qazaqstan stýdentteri men QR basqa da azamattaryn shuǵyl evakýasıalaýdy qamtamasyz etý;

Sonymen qatar, Premer-Mınıstrdiń orynbasary B. Saparbaevtyń tóraǵalyq etýimen vedomstvoaralyq komısıa qurý tapsyrylyp, oǵan Qazaqstanda koronavırýstyń taralýyna jol bermeý jónindegi is-qımyl josparyn ázirleý júkteldi.