Almatyda QR Parlamenti Májilisiniń depýtaty Irına Smırnovany tonap ketti dep jazady Qamshy.kz aqparat agenttigi. Bul týraly depýtat óziniń feısbýk paraqshasynda jazdy. 

"Meni jaqynda Almatyda tonap ketti. Kóligimniń terezesin shaǵyp, sómkemdi alyp ketti. Qaıta onda qundy dúnıe bolǵan joq. Qujattarym ózimmen birgen júretin kishkentaı sómkede bolatyn. Qundy zattarymnan aıyrylmasam da, jaman bolyp qaldym. Polısıany shaqyrǵym kelmegen, óıtkeni olardyń uryny taýyp beretinine men de senbeımin. Alaıda, janymdaǵylar polısıa shaqyrý kerek dep keńes berdi. Tártip saqshylary tez keldi. Biraq kele salyp aıtqan sózi meni eseńgiretip tastady: «Nesine ýaıymdaısyz? Urylar qashan da bolǵan, áli de bola beredi. Ne iste deısiz endi?", -dep aıtty. Qaıran qaldym. Olarǵa ıyqtaryńdaǵy pagondy sheship tastaýdy usyndym. Mundaı qyzmetkerler bizge kerek emes. Men ony polısıa nemese aǵa leıtenant dep ataı almaımyn. Olar halyqtyń qyzmetshisi.  Men aryz jazsam da, oqıǵa shamamen 3 apta buryn bolǵan bolsa da, maǵan eshkim qońyraý shalyp, qylmyskerdi izdeýdiń qalaı júrip jatqanyn aıtqan joq", - dep jazdy depýtat.