Baqytjan Saǵyntaev Almatyda "Sergek" baǵdarlamalyq-qurylǵy keshenderiniń sanyn kóbeıtýdi josparlap otyrǵanyn aıtty, dep jazady tengrinews.kz.

Qala ákiminiń aıtýynsha, qazirgi ýaqytta Almaty qalasynda "Sergek" baǵdarlamalyq-qurylǵy kesheniniń 400 júıesi iske qosylǵan. Kameralardyń kómegimen alǵashqy segiz kún ishinde 42 mıllıon teńgege jol erejesin buzý deregin anyqtady. Al, 22 kúnde jańa kameralar 4,5 myń jol qozǵalysy erejesin buzý derekterin túsirgen. Ótken jylmen salystyrǵanda qylmys 38 paıyzǵa azaıyp, jol-kólik oqıǵasynyń sany 12 paıyzǵa tómendedi. 

"Qoǵamdyq qaýipsizdikti qamtamasyz etý jumystary, sonyń ishinde joldar men turǵyndar kóp jınalatyn jerlerde vıdeomonıtorıng júıesin keńinen qoldaný arqyly jalǵasady. Bıyl qosymsha 360-tan asa "Sergek" kameralaryn ornatýdy josparlap otyrmyz. Jyl saıyn quqyqtyq tártipti buzýdy qadaǵalaıtyn avtomatty beıne júıeleriniń úlesi ósip otyratyn bolady", - dep málimdedi Saǵyntaev.

Jol erejesin buzǵandar úlken kólemde aıyppul tóleıdi. Polısıa ókilderi aıyppuldyń barlyǵy qala búdjetine túsetinin atap ótti.