Qazaqstan Respýblıkasy Syrtqy ister mınıstrliginiń resmı ókili Aıbek Smadıarov Qazaqstan bıligi nege bizdiń otandastarymyzdy Ýhannan shyǵaryp almaıtynyn túsindirdi dep jazady Qamshy.kz aqparat agenttigi. 

Feısbýktegi paraqshasynda Smadıarov buqaralyq aqparat quraldaryna tarap ketken rastalmaǵan aqparatqa qatysty tanymal qazaqstandyq basylymdardyń biriniń bas dırektorymen sóıleskeni týraly aıtty. Buǵan deıin BAQ-ta keıbir elder óz azamattaryn evakýasıalaı bastady degen aqparat taraǵan bolatyn. 

SİM ókiliniń aıtýynsha, Qytaı Ýhanda karantın jarıalaǵan. Birde-bir eldiń azamattaryn shyǵarýǵa ruqsat etpegen.  Ol qazaqstandyq dıplomattar otandastarymyzdy syrtqa shyǵarýdyń múmkin joldaryn oılastyrǵanyn aıtady. Olar Qytaı tarapyna tıisti suranystar jiberdi. Basqa elderdiń dıplomatıalyq mısıalary dál osylaı jasady. Degenmen Qytaı bıligi eshbir memleketke óz azamattaryn alyp ketýge múmkindik bermedi.