Fýtboldan Ispanıa chempıonatynyń 22-týrynan keıin Madrıdtiń "Realy" týrnır kestesinde kósh bastady. Buǵan deıin katalonıalyq "Barselonadan" qalyp kele jatqan madrıdtik klýb jeksenbi kúni 22 týrda syrt alańda "Valádolıd" klýbyn 0-1 esebimen jeńip, Barselonadan úsh upaıǵa ozyp ketti. "Hose Sorrılá" stadıonynda ótken oıyn tartysqa toly boldy. Alǵashqy taımda tablodaǵy esep ózgermegenimen, oıynnyń ekinshi jartysynda mach  tolyqtaı alań qonaqtarynyń basymdylyǵymen ótti. Real sapynan  oıynnyń 78 mınýtynda qorǵaýshy Hose Ignasıo Nacho Tonı Kroostyń áýelete asyrǵan dobyna birinshi jetip, qarsylas qaqpasyn dál kózdedi. Nachonyń golynan keıin  qos tarap alma kezek shabýyldaǵanymen, esep ózgerissiz qaldy.

Al 22 týrda Realdyń basty qarsylasy Barselona "Mestalá" stadıonynda jergilikti "Valensıa" klýbymen kezdesip, 0-2 esebimen ese jiberdi. Katalonıalyq klýbtyń sońǵy oıyndaǵy sátsizdigi madrıdtik klýbtyń týrnır kestesinde alǵashqy orynǵa shyǵýyna óz septigin tıgizdi.

Fýtbol jankúıerlerin Ispanıa chempıonatynyń kezekti týrynda tartysqa toly derbı kútip tur.  Alǵashqy oryndaǵy "Real Madrıd" taǵy bir madrıdtik ujym  "Atletıkomen" oınaıdy.  Al Realdyń basty qarsylasy "Barselonany"  aldaǵy týrda  "Levante" klýbymen  oınamaq.

Daıyndaǵan: Ǵalymjan Tákin