"Air Astana" Qytaıdaǵy koronavırýsqa baılanysty birneshe reısti keıinge shegerdi, dep habarlaıdy áýe kompanıasynyń baspasóz qyzmeti.

Qytaıda koronavırýstyń órshýine jáne komersıalyq júktemeniń azdyǵyna baılanysty Nur-Sultan men Almatydan Úrimshi men Beıjińge reıster qysqartyldy:

• Nur-Sultannan Úrimshige deıin - 6, 11 jáne 18 aqpanda;

• Almatydan Úrimshige - 8,16 jáne 24 aqpanda;

• Nur-Sultannan Pekınge - 22 aqpan;

• Almatydan Pekınge - 19 jáne 26 aqpan.

Jolaýshylar áýekompanıanyń satý keńselerine jalpy aqparat alý úshin 244 4477 (Almaty) jáne 584 477 (Qazaqstannyń basqa qalalary úshin) nomerlerine tegin qońyraý shala alady. Sondaı-aq brondaý, baǵytty ózgertý nemese bıletterdi tolyǵymen qaıtaryp alý múmkindigi bar. 

Qazirgi tańda "Air Astana" áýekompanıasy Nur-Sultannan Úrimshi men Pekınge aptasyna úsh reısti, al Almatydan Úrimshige tórt reısti, Pekınge aptasyna bes reısti oryndaıdy.