Sybaılas jemqorlyqqa qarsy is-qımyl agenttiginiń qoǵamdyq keńesi qaıta jasaqtaldy, dep habarlaıdy Qamshy.kz aqparat agenttigi  vedomstvo baspasóz qyzmetiniń deregin negizge alyp. 

Daýys berý nátıjesinde Tuńǵysh Prezıdent - Elbasy qorynyń dırektory qyzmetin atqarýshy Igor Rogov qoǵamdyq keńestiń tóraǵasy bolyp taǵaıyndalǵany aıtylady. 

Keńes quramyna múshe bolǵandar: Memlekettik qyzmet salasyndaǵy Óńirlik habtyń basqarýshy komıtetiniń tóraǵasy Álıhan Báımenov, Prezıdent janyndaǵy Memlekettik basqarý akademıasynyń rektory Erlan Ábil, "Egemen Qazaqstan" respýblıkalyq gazeti" AQ basqarma tóraǵasy Darhan Qydyráli, Parlament Májilisiniń Depýtaty Artýr Platonov, zań ǵylymdarynyń doktory, profesor Isıdor Borchashvılı, Almaty boıynsha arnaıy monıtorıń tobynyń múshesi, qoǵam qaıratkeri Elena Mıtrofanova, "M. S. Nárikbaev atyndaǵy QazGZÝ ýnıversıteti" AQ basqarma tóraǵasy Talǵat Nárikbaev, CSI konsaltıń kompanıasynyń aǵa seriktesi Oljas Qudaıbergenov, sondaı-aq agenttiktiń eki ókili.

Buryndary Igor Rogov Joǵarǵy sot keńesiniń tóraǵasy, ádilet mınıstri, Prezıdent keńesshisi, Prezıdent kómekshisi jáne taǵy basqa qyzmetterdi atqarǵan.