Qytaıdy jaýlap alǵan koronavırýs taǵy bir áleýmettik problemany týdyrdy. Derttiń oshaǵyna aınalǵan Ýhan qalasynyń turǵyndary 31 jeltoqsannan bastap ózge aımaqqa kóshirilgen kezde úı janýarlaryn tastap ketken, dep habarlaıdy Qamshy.kz aqparat agenttigi Almaty telearnasynyń resmı saıtyna silteme jasap.

1-2 kúnnen keıin úıge oralamyz dep oılaǵan ýhandyqtar osyǵan deıin óz úılerine oralmaǵan. Sonyń saldarynan úı janýarlary, onyń ishinde ıt pen mysyqtar ashtyqtan qyrylýda. Ýhan bıligi 23 qańtarda jarıalaǵan karantınnen qala aýystyrǵan turǵyndardyń úıge oralmaý sebepterinen, jalǵyz qalǵan ıt pen mysyqtar ashtyqtan jappaı qyrylýda. Olardyń sany mıllıonǵa jýyqtaǵan.

– Bıyl biz bárimiz buryn-sońdy oılamaǵan qaýipti dertke dýshar bolyp, óte qıyn sáttermen betpe-bet keldik. Tipti bunyń zıany úı janýarlaryna da tıip jatyr, – dedi kýrer qytaılyq ınternet-qaýymdastyqtardyń birine.

– Pekın, Tánszın jáne Shanhaı sıaqty birqatar qalalarda jergilikti bılik organdary "qańǵybas ıtter koronavırýsty juqtyrýy múmkin" dep qaýiptenip, olardy joıý týraly buıryq bergen. Alaıda biz mundaı jaǵdaılar týraly áli naqty eshteńe bilmeımiz, – dedi "Human Society International" qaıyrymdylyq qorynyń kómekshisi Vendı Hıggıns.