Bul týraly QR Aqparat jáne qoǵamdyq damý mınıstri Dáýren Abaev óziniń facebook-tegi paraqshasynda habarlady.

"Qurmetti dostar!

Ózderińizge málim, Memleket basshysy Ulttyq qoǵamdyq senim keńesi otyrysynda beıbit jınalystar týraly jańa Zań ázirleýdi tapsyrdy.

Búgin bizdiń Mınıstrlik "Ashyq Úkimet" saıtynda osy normatıvtik-quqyqtyq akt tujyrymdamasynyń jobasyn ornalastyrdy.

Kelip túsken usynystar men jetekshi halyqaralyq tájirıbeler negizinde birqatar jańa engizilimder usynylady.

Endi 10 jumys kúni ishinde ár azamat óz eskertpesi men túsiniktemesin qaldyra alady. Olar aldaǵy ýaqytta qarastyrylady.

Jýrnalıserdi, úkimettik emes sektordyń ókilderin, azamattyq belsendilerdi osy jumysqa qatysýlaryńyzdy suraımyn" delingen mınıstr jazbasynda.