Qazaqstannyń prezıdenti Qasym-Jomart Toqaev Qordaıda bolǵan jaǵdaıǵa baılanysty pikir bildirdi dep jazady Qamshy.kz aqparat agenttigi. Bul týraly ol óziniń twitter paraqshasynda jazdy. 

"Jambyl oblysy Qordaı aýdanynda buzaqylyq sıpattaǵy jappaı tóbeles boldy. Ony arandatýshylar óz paıdasyna qoldanbaq bolǵan. Polısıa jaǵdaıdy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady", - dep jazdy Toqaev. 

♦Jambyl oblysynyń polısıa departamenti "Qordaıdaǵy tóbeleske" qatysty pikir bildirdi

Jambyl oblysy Qordaı aýdanynda buzaqylyq sıpattaǵy jappaı tóbeles boldy. Ony arandatýshylar óz paıdasyna qoldanbaq bolǵan. Polısıa jaǵdaıdy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady.

— Qasym-Jomart Toqayev (@TokayevKZ) February 7, 2020

 Buǵan deıin áleýmettik jelide Jambyl oblysy Qordaı aýdanynda dúngen ultynyń azamattary "80 jastaǵy qazaq qarıa men onyń eki balasyn armatýramen, balǵamen uryp, basyn jarǵany" týraly aqparat taraǵan. Áleýmettik jelide taraǵan vıdeolardyń birinde polısıa ókilderi men azamattar arasynda qaqtyǵys bolyp jatqany baıqaldy.  

Masanshy - Jambyl oblysy Qordaı aýdanynda ornalasqan aýyl. Resmı aqparat boıynsha, ol aýylda 13 myńnan astam adam turady. Turǵyndardyń 90 paıyzy dúngen ultynyń ókilderi.