Áleýmettik jelide 5 aqpanda etnıkalyq dúngender uryp-soqqan Jambyl oblysy Qordaı aýdany Qarakemer aýylynyń turǵyny Tólegen Qudashbaev "qaıtys boldy" degen aqparat  taralyp jatyr.

Aqparattyń ras-ótirigin anyqtaý maqsatynda Qamshy tilshisi Qordaı aýdandyq aýrýhanasyna bardy. Alaıda dárigerler bul derek týraly pikir bildirýden bas tartty. Buǵan qosa, aýdandyq arýhananyń dárigerleri Qordaıdaǵy birneshe aýylda bolǵan turǵyndar arasyndaǵy jappaı tóbeles kezinde jaraqat alyp, aýrýhanada jatqan azamattar týraly da aqparat bermedi. 

Jýrnalıserge tirkeý bólimindegi qyzmetker kezekshi dárigerge siltep, kezekshi dáriger - Aıdyn Asqaruly aýrýhananyń ákimshiliginen suraý kerektigin aıtty. Aýrýhana ákimshiligi ornynda bolmaı shyqty.

Osylaısha, jalǵan aqparat taratpaýǵa shaqyryp jatqan resmı organdar mańyzdy máselede ózderi únsiz otyr.