Jambyl oblysy Qordaı aýdanynda bolǵan oqıǵadan keıin Qyrǵyzstanmen memlekettik shekarany kesip ótkender Qazaqstanǵa qaıta oraldy. Bul týraly Jambyl oblysynyń ákimi Berdibek Saparbaev úkimet otyrysynda málim etti.

– Sońǵy 3 kúnde elden biraz azamattar kórshiles jatqan Qyrǵyz eline qashyp ketken. Eki kún ishinde 8000 adam qaıta elge oraldy. Kesheden beri shtattyq rejımdegi barlyq sadıkter men mektepter ashylyp iske qosylýda. Saýda ortalyqtary da óz jumystaryn bastady, – dedi Saparbaev. 

Esterińizde bolsa, 7 aqpan kúni keshki ýaqyttarda Jambyl oblystyq polısıa departamentine Qordaı aýdany Masanshy aýylynyń mańynda 70-ten astam adamnyń tóbelesip jatqany týraly aqparat kelip túsken edi. Qazirgi tańda oqıǵaǵa qatysy barlar anyqtalyp jatyr.