Almaty oblysy Qarasaı aýdanynda tanymal erikti Zarına Shýmaevanyń úıi órtendi, dep habarlaıdy Qamshy.kz aqparat agenttigi. 

Órt sóndirýshiler qyzyl jalyndy der kezinde aýyzdyqtaǵan. Nátıjesinde zardap shekkender joq. Qarasaı aýdanynyń ákimdigi alapat órtten baspanasy janyp ketken otbasyny turǵyn úımen qamtamasyz etý úshin shuǵyl sharalar qabyldaǵan.

– Keshe olarǵa qonaqúıde turýdy usyndyq, olar bas tartyp kórshileriniń úıinde qaldy. Búginde mesenattardyń qoldaýymen biz olardyń bala sanyn eskere otyryp, ýaqytsha baspanamen qamtamasyz etýdemiz. Úı kem degende 150-180 sharshy metrdi quraıtyn bolady, – dedi Qarasaı aýdanynyń ákimi Jandarbek Dalabaev.

Osy rette aýdan ákimi munyń ýaqytsha sheshim ekenin, olardyń jaǵdaıyn eskere otyryp turaqty baspanamen qamtamasyz etý úshin jumys istelip jatqandaryn jetkizdi.

Al aýdandaǵy mesenattar bolsa, tilsiz jaýdan zardap shekken otbasy úshin úlken úı satyp alýǵa daıyn ekenderin aıtqan. 

Atap óterligi, Zarına Shýmaeva aımaqta óziniń azamattyq belsendiligimen tanylǵan. Iaǵnı, joldasy ekeýi 22 bala tárbıelep otyr.