Jambyl oblysynyń eks-ákimi Asqar Myrzahmetov óńirdi damytý jolynda birigip jumys jasaǵan barlyq áriptesterine alǵys aıtyp, alday bastamalaryna senim bildirdi. Bul týraly oblys ákiminiń keńesshisi Jasulan Ábdihalyq feısbýk-paraqshasynda jarıalady.  

"Ókinishke oraı Qordaı aýdanynda qaıǵyly jaǵdaı oryn aldy, 10 azamat qaza bolyp, 170-ten astam adam jaraqattandy. Bul tek jambyldyqtarǵa ǵana emes, barsha qazaqstandyqqa ońaı tımedi. Osy turǵyda men oblys ákimi retinde jumysty jalǵastyrý moraldik turǵyda aýyr dep eseptedim. Sondyqtan prezıdentke óz erkimmen otstavkaǵa ketý týraly ótinish jazdym. Sheshimimdi qabyldaǵan Memleket basshysyna rahmet", – dedi Myrzahmetov. 

Jambyl oblysynyń qazirgi ákimi Berdibek Saparbaev ózine senim artqan Elbasy men Memleket basshysyna alǵysyn bildirdi, Asqar Isabekulynyń iskerligine toqtalyp, óńirde qolǵa alynǵan irgeli ister men jarqyn jobalar jalǵasa beretinin aıtty.