Prezıdent Qasym-Jomart Toqaev volonterler qozǵalysynyń qurmetti elshisi mártebesine ıe boldy. Bul týraly "BIRGEMIZ" voloneterlar respýblıkalyq front keńsesiniń resmı ashylýynda málimdeldi. 

– Volonterlik –  bul jannyń kúıi. Volonterler – erik bildirýshiler, yqtıarlyq tanytýshylar. Búgin men Qazaqstandaǵy volonterler qozǵalysynyń qurmetti elshisi bolýǵa kelistim. Onsyz da tótenshe jáne ókiletti elshi degen dıplomatıalyq dárejem bar, biraq volonterler qozǵalysynyń qurmetti elshisi degen mártebe odan da mańyzdyraq dep sanaımyn, bul men úshin úlken qurmet, sondyqtan biz bárimiz birge jumys isteımiz. Bárimiz birge bolamyz, –  dedi Toqaev.

Front keńse – keńes berý, ádistemelik, oqytý qyzmetterin atqarady. Aqparattyq ortalyq ta osynda ornalasqan. Onyń fýnksıalary búkil respýblıka boıynsha volonterler jobalaryn úılestirý jáne qoǵamdyq baqylaýdy qamtıdy. Front keńseniń ashylýynda "QAZVOLUNTEER.KZ" onlaın-platformasynyń jáne volonterlerdiń 7 salalyq alańdarynyń jumysy usynyldy:

• "Bilim";
• "Qamqor";
• "Úmit";
• "Sabaqtastyq";
• "Taza Álem";
• "Saúlyq".

"BIRGEMIZ" volonterleriniń respýblıkalyq front keńsesi EKSPO aýmaǵyndaǵy "Art Hub" pavılonynda ornalasqan.