Bul týraly Qamshy.kz aqparat agenttigi KTK telearnasy deregine súıene otyryp habarlaıdy.

Belgili bolǵandaı, órt keshke shyqqan. Qyzyl jalyndy baıqaǵan aýyldastarynyń biri ákimge habarlaǵan. Oqys oqıǵadan habardar bolǵan qutqarý qyzmeti shuǵyl jetkenimen kesh bolǵan.

Kesirinen bir úıli jan – 47-41 jastaǵy erli-zaıypty men onyń úsh jasar balasy órt qursaýynan shyǵa almaı kúıip ketken.

«Aýyl ákimi qutqarý qyzmetine qońyraý shalǵan. Órt sóndirýshiler kelgende úı tolyq otqa oranyp, shatyry ortasyna qulap tústi. Aýmaǵy – 150 sharshy metr. Órt tolyq sóndirilgennen keıin úıindi astynan úı ıeleriniń jáne kishkentaı balanyń denesi tabyldy», - deıdi Aqmola oblystyq TJD basqarma bastyǵy Denıs Shelkoplásov.

Osy rette, órt sóndirýshiler tutanǵan ottyń jyldam órshýine úıdiń sabannan soǵylǵany sebep bolǵanyn aıtady. 

Al tilsiz jaýdyń neden tutanǵany ázirge belgisiz bolyp otyr.