Áleýmettik jelide Qordaıda bolǵan janjalǵa baılanysty etnıkalyq armán azamattyń qazaq halqyna úndeý joldaǵan vıdeosy taralýda. Úndeýde ol buzaqylyqty aıyptap, jazyqsyz adamdardyń japa shegýine soqtyrǵan áreketti synaǵan.

– Senderdiń bul áreketteriń jabaıylyq. Shyńǵys hannyń zamany ótti. Dúngendermen bir dinde bolyp, nelikten osyndaı áreketter jasaısyńdar? Qanshama jazyqsyz adamdardyń úıleri órtendi, basqa ultqa degen mundaı jekkórýshilik jaqsylyqqa alyp kelmeıdi. Men qazaqtardyń bul áreketin qorqaqtyq, shydamsyzdyq dep túsinemin, –  dedi armán azamaty.      

Onyń aıtýynsha, 2019 jyly "Drevnıı rım" kafesinde qazaqty armán ultynyń jigiti óltiredi. Sol ýaqytta Qazaqstannyń túkpir-túkpirinen armándarǵa qarsy "antıarmándyq" qozǵalys bastaldy. Biraq sońynda qazaq jigitin óltirdi dep etnıkalyq Ázerbaıjan azamat sottaldy. Demek, qazaqtar armándardy jazyqsyzdan jazyqsyz kinálap, túrli qysym kórsetti, – dedi ol.

Sondaı-aq ol "orys úkimeti nelikten shara qoldanbaı otyr" dep, dúngenderge jasalǵan áreket orystarǵa da jasaýy múmkin ekenin aıtty. Ol basqa ulttarǵa kórsetken bassyzdyqtyń, qazaqtarǵa zıanyn tıgizýi múmkin ekenin de atap ótti.

Sóz sońynda azamat barlyq qaza bolǵan jandardyń otbasyna kóńil aıtty.