Túrkistan buryn sońdy bulaı damymaǵan. Tipti Ámir Temirdiń Iassaýı kesenesin soqqan zamanynda da, Abylaı hannyń Túrkistandy handyq astanasy etken kezde de dál qazirgideı bolmaǵan. Bul pikirdi Túrkistan oblysynyń ákimi Ómirzaq Shókeevtiń el aldyndaǵy esebin berip jatqan sátte aqsaqaldar alqasynyń tóraǵasy Jarylqasyn Áziretbergenuly bildirgen. Bul týraly RGMEDIA.KZ habarlady. 

Aqsaqaldar alqasynyń tóraǵasynyń aıtýynsha, Túrkistan – Nursultan Ábishuly Nazarbaevtiń esimimen tyǵyz baılanysty. Olar tipti egiz uǵym ispettes. Bir-birinen ajyratyp alý múmkin emes tárizdi.

– Túrkistan Elbasymyzdyń arqasynda damyp, birshama jetistikterge jetti. Han Abylaı men Ámir Temirdiń kezinde de qazaq handyǵynyń astanasy bolǵan "Túrkistan" dál qazirgideı damyp, órkendegen emes. Ýaqyt ótken saıyn, zamana aǵymyna ilesip, ósip kele jatyr. Endigi 1000 jyldan keıin de 3020 jyly Iassaýı kesenesin Ámir Temir turǵyzdy dep urpaq esine alsa, Túrkistandy oblys etip, jańǵyrtqan Nursultan dep aıtyp júretin bolady. Osy isterdiń basy-qasynda júrgen Ómirzaq Estaıulyna da alǵysymdy bildiremin, – degen aqsaqal oblystyń damýy týraly.