2020 jyldyń 17 aqpanynda bas memlekettik sanıtarlyq dárigerdiń orynbasary koronavırýsqa qarsy jarlyqty bekitti. Iaǵnı, 20 aqpannan bastap ınfeksıanyń jańa túri tirkelgen elderden kelgen azamattardy 3 sanatqa bólip, qaı kategorıaǵa jatatynyn anyqtady. Bul týraly densaýlyq saqtaý mınıstrligi komıtetiniń baspasóz qyzmeti habarlady. 

1-shi sanat: Qytaıdan kelgen azamattar. Olardyń barlyǵyn aýrýhanaǵa jatqyzyp, 14 kún boıy karantınde ustaıdy. Keıin taǵy da olardy 10 kúndeı arnaıy medısınalyq uıym qadaǵalap, dárigerler uıaly telefon arqyly baılanysyp otyrady.

2 sanat: Koronavırýs ınfeksıasynyń 10-nan astam jaǵdaıy rastalǵan elderden kelgen azamattar. Búginde ınfeksıa belgileri Gonkong, Sıngapýr, Japonıa, Taıland, Ońtústik Koreıa, Malaızıa, Taıvan, Vetnam, Avstralıa, Germanıa, AQSH, Fransıa, Makao syndy elderde tirkelgen. Atap ótsek, osy elderden kelgen barlyq adamdar 14 kún boıy karantınde bolady. Olardyń densaýlyq jaǵdaıyn kúndelikti baqylaıdy.

3-sanat: Koronavırýsty juqtyrýdyń 10-nan kem jaǵdaıy tirkelgen elderden kelgen adamdar. Búgingi tańda bul Ulybrıtanıa, Birikken Arab Ámirlikteri, Kanada, Úndistan, Fılıppın, Italıa, Ispanıa, Fınlándıa, Nepal, Kambodja, Shrı-Lanka, Shvesıa, Belgıa, Egıpet. 

Atalan elderden kelgen azamattar Qazaqstan shekarasynan ótken kúnnen bastap 24 kún boıy arnaıy klınıkalyq ortalyqtarda únemi baqylaýda bolady.