Koronavırýs taraǵan memleketterde bolǵan qazaqstandyqtar bizdiń elde karantın erejesin buzsa, olar ákimshilik jaýapqa tartylady. Bul týraly densaýlyq saqtaý mınıstrliginiń resmı ókili Dıas Ahmetshárip málimdedi.

Ahmetsháriptiń aıtýynsha, Qazaqstanda karantınde bolatyn adamdardy mınıstrlik 3 topqa bóledi. Birinshi topqa 6 aqpannan beri Qytaıda bolyp kelgen azamattar jatady. Olar 14 kúndik karantınge alynady. Ekinshi topqa koronavırýs keńinen taraǵan aımaqtan kelgender kiredi. Úshinshi topqa koronavırýs az taraǵan memlekette bolyp kelgen adamdar tirkeledi. Olar jergilikti aýrýhana mekemesindegi dárigerlerdiń baqylaýynda bolady. 

– Eger karantın jaǵdaıyna baǵynbaıtyn bolsa, Ákimshilik kodekstiń 462-baby boıynsha jaýapqa tartylady. Sonymen qatar belgili mólsherde aıyppul óteıdi dedi, – Ahmetshárip.

Mınıstrlik taǵy da vırýs keńinen tarap jatqan aımaqtarǵa shyqpaýdy ótindi.