Qaýipsizdiń keńesiniń tóraǵasy Nursultan Nazarbaev premer-mınıstr Asqar Mamın men Ulttyq bank tóraǵasy E.Dosaevty qabyldady. Bul týraly elbasy.kz saıty habarlady.
Kezdesý barysynda úkimet basshysy eldiń áleýmettik-ekonomıkalyq damýy, tikeleı sheteldik ınvestısıa tartý jóninde baıandady.
Sondaı-aq, kezdesýde A.Mamın jańa jumys oryndaryn qurý, ınfraqurylymdyq jobalardy júzege asyrý jáne agroónerkásiptik keshendi damytýǵa baǵyttalǵan Qazaqstan Úkimetiniń qabyldaǵan sharalary týraly aıtyp berdi.
Ulttyq banktiń tóraǵasy Elbasyna 2020 jyldyń qańtarynda aqsha-nesıe saıasatyn júzege asyrý, eldiń altynvalúta aktıvteri men Ulttyq qordyń ahýaly týraly aqparat berdi.
Sonymen qatar, kezdesý barysynda E.Dosaev «Bes áleýmettik bastama» aıasyndaǵy memlekettik baǵdarlamalardyń júzege asyrylý barysy týraly aıtty. Sondaı-aq, «Qarapaıym zattar ekonomıkasy» baǵdarlamasyn iske asyrý taqyryby qozǵaldy.
Pikir qaldyrý