SHQO Zaısan aýdany Aınabulaq aýylynyń turǵyndary Maıqapshaǵaı shekara beketinde túngi ýaqytta Qytaıdan adam men taýar ótkizgenin aıtty. Bul týraly Jumabek Álimhan atty facebook qoldanýshysy jazdy.

– Álem elderi Qytaıdan taraǵan koronavırýstan saqtanyp, shekaralaryn qatań baqylap, Qytaıdan taýar da kirgizbeı otyr. Al SHQO-daǵy Maıqapshaǵaı shekara beketinde túnniń ortasynda Qytaıdan adam jáne taýar ótkizgen. Mynaý ne sumdyq! Qytaımen tutas shekaramyz jabyq degeni qaıda? Halyqty nege aldap otyr? Qytaıdan vırýs kirgizip halyqty qyraıyn dep otyr ma? Tipti koronavırýs elimizge kirip te ketken sıaqty. Áıtpese, bólingen 2 mlrd teńge qaıda jumsaldy jáne mınıstr nelikten onyń esebin halyqqa ashyq aıtpaı qupıa ustap otyr? Masqara ǵoı mynaý! Sonda bul bireýlerdiń bıznesi bolyp otyr ma? Ne degen sumdyq! Aıtarǵa sóz joq, – dep jazdy Jumabek Álimhan. 

Aýyl turǵyndary aýdan ákimi Serik Qasymbekulyna shaǵymdanǵan. Túrǵyndar keshe saǵat túski 15:00-den bastap jınalyp, aýdan ákiminiń kelýin talap etken. 

Keıin aýyl turǵyndary "shekara jabylsyn nemese ózimiz shekara kúzetemiz" dep talap qoıǵan. 

Eske sala ketsek, Qytaıda koronavırýstyń órshýine baılanysty SHQO-da QHR-dyń Shyńjań-Uıǵyr avtonomıalyq aýdanymen shekarasy ýaqytsha jabylǵan bolatyn.