Nur-sultandaǵy Qytaı elshiliginiń aldynda jalǵyz adamdyq pıket uıymdastyrǵan Almaty turǵyny Baıbolat Kúnbolatuly Qytaı bıliginen inisin bosatýdy talap etti. Bul týraly azattyq.org habarlady. 

Baıbolattyń aıtýynsha, 1990 jylǵy inisi Qulja aýdanyna qarasty Qaraǵash aýylynda ustalyp, "qaıta saıası tárbıeleý lagerine" qamalǵan. Sodan keıin belgisiz bir sebeptermen 10 jylǵa bas bostandyǵynan aıyrylǵan. 

Baıbolat qazir Qytaı bıliginen 702 táýlik boıy saıası lagerde qamaýda otyrǵan inisin shyǵarýdy talap etýde. İnisiniń ne óli, ne tiri ekeninen habary joq Baıbolat  "inimdi qamaýdan shyǵarmaıynsha, pıket ótkizýimdi jalǵastyra beremin" dedi.  

Jalǵyz adamdyq pıketti alty polısıa qyzmetkeri baqylyp turǵan. Onyń bireýi Baıbolatty vıdeoǵa túsirgen. 

Elshilik ishinen bir adam shyǵyp, onymen sóılesken. Baıbolattyń hatyn qabyldaǵan elshi, úsh kún ishinde jaýap qaıtaratynyn jetkizgen.