Almaty qalasynyń turǵyndaryna taǵy bir jaqsy múmkindik týyp tur. Almaty qalasynyń ákimi Baqytjan Saǵyntaev qala turǵyndaryna esep berý jıynynda Almatyny damytý jáne áleýmettik ahýaly tómen otbasylardy qoldaýǵa úsh máselege basa nazar aýdardy.

Mysaly, zamanaýı qurylǵylardy satyp alý jáne ornatý esebinen zıandy gazdardy anyqtaý jáne Almaty qalasy áýe baseıniniń jaı-kúıin baqylaý sapasyn jaqsartý, sondaı-aq qaıyrymdylyq baǵytta úı sharýashylyǵyn qoldaý úshin áleýmettik jaǵdaıy tómen jáne gaz ornatýǵa múmkindigi joq, májbúrli túrde zıandy zattardy shyǵarý kózi bolyp tabylatyn peshti qoldanyp otyrǵan halyqqa qoldaý kórsetý.

– Turǵyndar úıine gaz ornatý úshin azamattarǵa paıyzsyz nesıe berý máselesin pysyqtaýǵa bolady dep oılaımyn jáne bul taqyrypty egjeı-tegjeıli Halyk Bank-pen talqylap, birge jumys isteımiz, – dedi Baqytjan Saǵyntaev.

Bul usynysty bank ókili de qoldady. “Halyk Bank bas keńsesi Almaty qalasynda ornalasqan uıym retinde, bizdiń týǵan qalamyzda qalyptasqan ekologıalyq jaǵdaıǵa qatty alańdaımyz”, – dep málimdedi Halyk Bank Basqarma tóraǵasynyń orynbasary Dáýren Sartaev. 

Sondaı-aq ol ákimniń usynysyn qoldaıtynyn jetkizdi:

“Sondyqtan, biz óz tarapymyzdan ekologıany jaqsartý jónindegi baǵdarlamaǵa qatysýǵa jáne Almaty qalasy ákimdiginiń ekologıalyq baǵdarlamalaryn qoldaýǵa, demeýshilik úles qosýǵa daıyn ekenimizdi málimdeımiz. Biz úshin aýa tazalyǵyn baqylaý monıtorıńi júıesin qurý, sondaı-aq halyqtyń áleýmettik jaǵdaıy tómen otbasylardyń úıine gaz ornatý bastamasy mańyzdy. Respýblıkadaǵy jáne qalanyń iri qarjy uıymy retinde biz Almatynyń bıznes qaýymdastyǵyn ataýly bastamaǵa qosylýǵa shaqyramyz.

Qazirgi ýaqytta usynǵan bastamany iske asyrý úshin qala ákimdigimen birlesip pysyqtalýda. Nátıjesi qosymsha jarıalanady”.

«Qazaqstan Halyq Banki» AQ Qazaqstan Respýblıkasyndaǵy eń iri komersıalyq bank, naryqta 95 jyldan asa tabysty jumys istep keledi jáne negizgi kórsetkishter boıynsha elde kóshbasshy orynda tur. Bank óz klıentterine qyzmetterdiń keń salasyn (banktik qyzmetter, saqtandyrý, lızıń, brokerlik qyzmetter jáne aktıvterdi basqarý, ınkasasıa jáne t.b.) usynatyn Halyk tobyna kiredi. Sonymen birge Bank óz operasıalaryn Reseıde, Grýzıada, Qyrǵyzstanda, Tájikstanda jáne jaqynnan beri Ózbekstanda iske asyrady.

Túrkitildes jýrnalıser qory