Búgin Almaty qalasynda «Latynnegizdi qazaq álipbıi: usynystar, talqy jáne nátıje» atty keńes ótti. Bul ǵylymı jıynǵa Mádenıet jáne sport vıse- mınıstri N.Dáýeshov, Bilim jáne ǵylym, Aqparat jáne qoǵamdyq damý, Sıfrlyq damý, ınovasıalar jáne aeroǵarysh ónerkásibi mınıstrilikteri jáne Til saıasaty komıteti ókilderi men Ulttyq komısıa janyndaǵy Orfografıalyq, Ádistemelik, Termınologıalyq, Saraptama jáne tehnıkalyq jumys toptarynyń músheleri – ǵalymdar qatysty.

Jumys toptarynyń birlesken keńesinde úsh álipbı jobasy talqylandy. Atap aıtqanda, buǵan deıin bekitilgen alaıda jetildirilý qajettigi týyndaǵan akýt nusqasy, balamaly negizdegi ýmlaýtty álipbı jobasy jáne A.Baıtursynuly atyndaǵy Til bilimi ınstıtýty ǵalymdar tobynyń álipbı jobasy.

Alǵashqy eki álipbı jobasy 14 aqpanda Til komıtetiniń uıymdastyrýmen aımaqtaǵy til basqarmalarynyń úılestirýimen respýblıkalyq kólemde fılolog ǵalymdar men ádiskerler, joǵary jáne orta bilim beretin oqý oryndarynyń til mamandary arasynda ashyq talqylaýdan ótti. Úshinshi joba áleýmettik jelilerdi talqylandy. Atalǵan álipbı jobalarynyń qaıysy qoldanýǵa tıimdi ekenin anyqtaý maqsatynda QR Bilim jáne ǵylym mınıstrliginde oqýshylar men stýdentter arasynda álipbı jobalary boıynsha synama-saýalnama jumystary júrgizildi. Sondaı-aq QR Sıfrlyq damý, ınovasıa jáne aeroǵarysh ónerkásibi mınıstriligi UNICODE-qa sáıkestigin, Bankter bank júıesinde qoldanysqa yńǵaılylyǵy, «Nur Otan» jastar qanatynda álipbı jobalary boıynsha synama-semınarlar, saraptaý jumystary jasalyp, BAQ-ta álipbıdi jetildirýge baılanysty 90-ǵa jýyq maqala jaryq kórdi.

Keńeıtilgen keńeste osy taldaýlar men talqylaýlardyń qorytyndylary, usynystar jáne synama jumystarynyń, nátıjeleri saraptamalary jınaqtalyp baıandaldy. Ǵalymdar álipbıge qoıylatyn mynadaı talaptar negizinde qazaq tiliniń barlyq dybystarynyń qamtylýy; «bir dybys – bir tańba» qaǵıdatynyń saqtalýy; qosymsha dıakrıtıkalyq belgilerdiń sabaqtastyǵy men júıeliligi; latyn tańbalarynyń jáne dıakrıtıkalardyń qazaq tiliniń dybystary sıpatyna saı bolýy; álipbıde ǵylymı negizdiliktiń saqtalýy; álipbı tańbalarynyń Halyqaralyq fonetıkalyq álipbı júıesine sáıkestigi; álipbı tańbalarynyń UNICODE júıesine saı bolýy; qazaq tiliniń tól tabıǵatyna saı álipbılik rettiliktiń saqtalýy.

Birlesken keńeste álipbıdiń úsh jobasy boıynsha arnaıy baıandamalar jasalyp, ǵylymı talqylaý ótkizildi. Keńes álipbı jumysyn qorytyndylaı kele talqylanǵan jobalar arasynan laıyqty dep tanylǵan álipbı jobasyn Ulttyq komısıaǵa usynylatyn bolady.