2020 jyldyń qańtarynda ulttyq qorǵa 50,6 mlrd teńge túsken. Bul byltyrǵy sáıkes kezeńdegi kórsetkishten 2,2 ese tómen, dep jazady LS saıty.

Ulttyq qazynaǵa eń kóp kólemde qarajat túsirgender kóshin Aqtóbe oblysy (19,6 mlrd teńge) bastap tur. Ekinshi satyda Mańǵystaý oblysy (12,7 mlrd teńge) jaıǵasqan.

Atyraý oblysynan 5,6 mlrd teńge, Qyzylorda oblysynan 5,3 mlrd teńge, Nur-Sultan qalasynan 5,2 mlrd teńge, Túrkistan oblysynan 1,1 mlrd teńge, Batys Qazaqstan oblysynan 466,3 mln teńge, Almaty qalasynan 371,9 mln teńge túsken.

Jambyl oblysy 7,5 mln teńge, Almaty oblysy 4,8 mln teńge, Shyǵys Qazaqstan oblysy 1,9 mln tenge, Qaraǵandy oblysy 345 myń teńge, Aqmola oblysy 91 myń tenge kólemindegi qarajatty ulttyq qorǵa aýdarǵan.

Qostanaı, Pavlodar, Soltústik Qazaqstan oblystary men Shymkent qalasynan túsim júzege asyrylmaǵan.