Búgin Qaraǵandy oblysynyń qylmystyq ister boıynsha mamandandyrylǵan aýdanaralyq sotynda qoryqshy Erlan Nurǵalıevti óltirgenderge qatysty sot úkimi shyqty. Bul týraly Qazaqpart saıty habarlady. 

Qaraǵandy soty "Ohotzooprom" ınspektory "Erlan Nurǵalıevti óltirdi", qoryqshy "Petr Nısykty óltirýge áreket jasady" dep aıyptalǵan Qyzylordanyń úsh turǵynyna ómirlik túrme jazasyn berdi. Sot Qaırat Aqshanov, Berik Ahmetov jáne Nurlan Shúkildikovtiń kinási sotta dáleldengenin aıtty.

Osyǵan deıingi sot tyńdaýynda prokýror barlyq úsh aıyptalýshyǵa ómir boıyna bas bostandyǵynan aıyrý jazasyn berip, ony qaýipsizdigi erekshe kolonıada óteýdi suraǵan bolatyn.

Sot qalǵan aıyptalýshylar – Berden Bazarov, Batyrbek Qaıyrbekov, Jarasqan Myrzabaev jáne Aıdos Ákimovti (olar "zańsyz ańshylyq qurdy" dep aıyptalǵan) árqaısysyn alty jylǵa bas bostandyǵynan aıyrdy. Sot úkimin estigen aıyptalýshylar emosıaǵa berilip, úkimmen kelispeıtinin jetkizdi.

2019 jyly 13 qańtarda Qaraǵandy oblysynda brakonerler "Ohotzooprom" mekemesiniń qoryqshylary 52 jastaǵy Erlan Nurǵalıev pen 58 jastaǵy Petr Nısykqa shabýyldaǵan. Nurǵalıevke oq tıip, qaza tapqan. Al Nısyk jaraqattanǵan edi.