Demokratıalyq partıa qurý boıynsha yntaly top jaqtastary Almaty oblysy Qarasaı aýdandyq ishki ister bóliminde ustalyp otyrǵan qoǵam belsendisi, yntaly top jetekshisi Janbolat Mamaıdyń qaýipsizdigine alańdaýly.

Qarasaı aýdandyq ishki ister bóliminde júrgen Qamshy tilshisi búgin keshke qaraı ustalǵan qoǵam belsendisimen áli de baılanysý múmkin bolmaı otyrǵanyn habarlady.

İshki ister bólimi ǵımaratyna Janbolat Mamaıdy qoldaýǵa 50-den astam adam kelgen. Sondaı-aq ǵımarat mańyna polısıa qyzmetkerleri de kóptep jınalǵan.

Qoǵam belsendisiniń jaqtastary Mamaımen sóılestirmeı, qorǵaýshysyn ishke kirgizbeýi sebepti, onyń qaýipsizdigine alańdap otyr.

Buǵan deıin polısıanyń Janbolat Mamaıdy ustap alyp ketkeni, onyń jaqtastary yntaly top jetekshisin bosatýyn talap etip, ashtyq jarıalaǵany habarlanǵan.