"Dempartıa" qurýǵa yntaly bastamashyl top jaqtastary Almaty oblysy Qarasaı aýdany ishki ister bólimi ǵımaratynyń aldyna jınalyp jatyr. Olar bastamashyl top jetekshisi Janbolat Mamaıdy bosatýdy talap etýde.

Polısıa qyzmetkerleri jınalǵan jurtty, sondaı-aq Mamaıdyń  advokatyn ishki ister bólimine kirgizbeı tur.

Mamaı jaqtastarynyń biri prezıdent Toqaevqa úndeý jasap, "saıası reformalar jasalady dep edińiz ǵoı. Endi mynadaı áreketti qalaı túsinse bolady? Menińe, sizdiń abyroıyńyzǵa nuqsan keltirý úshin áldekimder azamattardyń pikirin ashyq aıtý quqyǵyn paıdalanýǵa, partıa qurý quqyǵyn paıdalanýǵa qasaqana kedergi keltirip otyr. Osyǵan baılanysty el aldyna shyǵyp, túsinik berýińizdi suraımyz" dedi.

Aýdandyq ishki ister bólimine jınalǵan azamattardyń arasynda Mamaıdy bosatýyn talap etip, tótenshe shara retinde ashtyq jarıalaýdy usyndy. Usynysty on shaqty azamat qoldaıtynyn aıtty.

Dempartıa bastamashyl tobynyń jetekshisi Janbolat Mamaıdy bosatýyn talap etip, ashtyq jarıalaǵan azamattar

Qaskeleńdegi ishki ister bólimine jınalyp jatqan Dempartıa jaqtastary sát-saıyn kóbeıip jatyr.

Polısıa qyzmetkerleri jýrnalıserge jáne Mamaıdyń jaqtastaryna onyń ne sebepti ustalǵanyna qatysty pikir bildirgen joq. 

Mamaıdyń áıeli, jýrnalıs Inga Imanbaıdyń aıtýynsha, polısıa belsendini  bastamashyl toptyń ókili Janbol Rahmatýllanyń Qaskeleń qalasyndaǵy Qarasaı aýdandyq sotyna kelgen kezde ustap, shaqyrtý qaǵazyn kórsetpesten aýdandyq polısıa basqarmasyna kúshtep alyp ketken.