Búgin, 21 qańtar kúni keshke qaraı "Dempartıa" qurýǵa yntaly bastamashyl top jetekshisi, opozısıalyq belsendi Janbolat Mamaıdy polısıa qamaýǵa aldy. Bul týraly Mamaıdyń áıeli, "Jas Alash" gazetiniń bas redaktory Inga Imanbaı habarlady. 

Imanbaıdyń sózinshe, polısıa búgin keshi saǵat alty shamasynda Almaty qalasynda "Dempartıa" qurýǵy yntaly toptyń múshesi Janbol Rahmatýllany ustaǵan. Mamaı men onyń jaqtastary Rahmatýlannyń soty bolý kerek bolǵan Qarasaı aýdandyq sotyna barǵan kezde keminde 10 polısıa qyzmetkeri Mamaı men onyń jaqtasyn ustap, Qarasaı aýdandyq ishki ister bólimine aparǵan.

İshki ister bólimindegiler ázirge eshqandaı túsinik bergen joq.

19 aqpanda Mamaı bastaǵan "Dempartıa" ókilderi 22 aqpanǵa josparlanǵan quryltaı sıez ótpeıtinin, onyń ornyna sol kúni mıtıńige shyǵatynyn aıtqan edi. Al keshe Janbolat Mamaı azamattardy 22 aqpan kúni Almatydaǵy "Astana" alańyna mıtıńige kelýge shaqyrǵan bolatyn.