Qazaqstan prezıdenti ákimshiligi jáne Qordaı aýdandyq máslıhat depýtattarynyń kelisimimen Jambyl oblysy Qordaı aýdanyna ákim bolyp Rústem Dáýlet taǵaıyndaldy. Bul aqparatty 21 aqpanda Jambyl oblysy ákimdigi habarlady.
Ákimdiktiń habarlaýynsha, aýdan aktıvine jańa ákimdi Jambyl oblysynyń ákimi Berdibek Saparbaev tanystyrdy.
45 jastaǵy Rústem Dáýlet buǵan deıin Jambyl oblysy ákimi apparatynyń jetekshisi qyzmetin atqarǵan. Jambyl oblysynda týǵan ol eki jyl Jambyl, eki jyl Shý aýdanynda ákim bolǵan. Bir jyl Taraz qalasyn basqarǵan.
Qordaı aýdanyn 2017 jyldan beri basqarǵan Bolatbek Baıtóle 8 aqpanda aýdandaǵy birneshe aýylda etnıkalyq qazaqtar men dúngender arasynda bolǵan janjaldan keıin Qazaqstan prezıdenti Qasym-Jomart Toqaevtyń tapsyrmasymen qyzmetinen bosatylǵan bolatyn.
Pikir qaldyrý